13, ივლისი 2019 20:43:00
მსხვერპლით დასრულდა ქობულეთის შემოვლით გზაზე ავტოსაგზაო შემთხვევა. არიან დაშავებულებიც. სასწრაფო სამედიცინო დახმარების ბრიგადამ ისინი ქობულეთის სხვადასხვა საავადმყოფოში გადაიყვანა, გარდაცვლილი კი პროზექტურაში გადაასვენეს.
თვითმხილველთა თქმით, ერთმანეთს 3 მინივენი შეეჯახნენ. დაშავებულები სავარაუდოდ, უცხო ქვეყნის მოქალაქეები არიან. მათივე მტკიცებით, შემთხვევის ადგილზე სასწრაფო სამედიცინო დახმარების ბრიგადა გამოძახებიდან დაახლოებით ნახევარ საათში მივიდა.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276 მუხლით დაიწყო, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.
”TV 25" - მომხდარის დეტალებს ამ წუთებშიც არკვევს.