ქედაში საქველმოქმედო ფონდ „ქართული გალობისა“ და გერმანიის პოტსდამის უნივერსიტეტის ინიციატივით, სამეცნიერო-სამუსიკო ექსპედიცია ჩატარდა.
ჩაიწერა ანსამბლ ,,ელესას", ,,მოყვარეს" და ინდივიდუალური შემსრულებლების მიერ შესრულებული ადგილობრივი ტრადიციული სიმღერები და საკრავებზე შესრულებული უნიკალური ვიდეო, აუდიოაპარატურით: კერძოდ, ხორხის მიკროფონებით, ლარინგოფონების გამოყენებით, რაც ტრადიციული მუსიკის ისტორიაში ინოვაციურ მეთოდს წარმოადგენს და რაც ჩაწერილი მასალის განსაკუთრებული ახლებურად, კერძოდ, კომპიუტერულად კვლევის დამუშავებისა და ანალიზის შესაძლებლობას იძლევა.
პროექტის მთავარი მიზანი უნიკალური ქართული ტრადიციული სიმღერების ახალი ტექნოლოგიებით დაფიქსირება და დოკუმენტირება.
ექსპედიციას გერმანიის პოტსდამის უნივერსიტეტის პროფესორი, ფრენკ შერბაუმი ხელმძღვანელობს. წევრები არიან ხელოვნებათმცოდნეობის დოქტორი, ეთნომუსიკოლოგი ნანა მჟავანაძე (გერმანია, პოტსდამის უნივერსიტეტი), ეთნომუსიკოლოგი, თბილისის სახელმწიფო კონსერვატორიის დირექტორის მოადგილე ნინო რაზმაძე, ოპერატორი უტა ფროინდი და გალობის უნივერსიტეტის ხმის ჩამწერი სტუდიის მენეჯერი გიორგი ჯოლბორდი .
ექსპედიცია გერმანული სამწლიანი (2018-2021) პროექტის „ტრადიციული ქართული ვოკალური მუსიკის კომპიუტერული ანალიზი“-ს ფარგლებში ხორციელდება , რომელსაც „გერმანული კვლევის ფონდი“ აფინანსებს.
ხალხური შემსრულებლების თანხმობით ჩაწერილი მასალის გამოყენება შესაძლებელი იქნება სამეცნიერო-კვლევითი, საგანმანათლელო და სხვა არაკომერციული მიზნებისათვის.
პროექტს, სამეცნიერო-კვლევითის გარდა, სოციალური ფუნქციაც აქვს, ვინაიდან ჩაწერილი აუდიომასალა შემსრულებლებს სასწავლო და სტანდარტული აუდიოალბომების გამოცემის მიზნით, უსასყიდლოდ გადაეცემათ.
5
s
s
s