18, ივლისი 2019 11:37:00
2019 წლის ივნისში უცხოეთიდან საქართველოში ფიზიკური პირებისთვის ფულადი გზავნილები, დოლარში 6.3%-ით გაიზარდა.
ევროსა და ლარის შემთხვევაში კი, წლიური ზრდის მაჩვენებელი შესაბამისად, 10.1% და 20.1% იყო.
რეგიონების მიხედვით, ევროკავშირი შემოსავლებით მყარ პოზიციაზე დგას და გზავნილები გასულ წელთან შედარებით 24.9% არის გაზრდილი. დსთ-ს ქვეყნებიდან კი ფულადი გზავნილები 2.4%-ით შემცირდა, ხოლო სხვა ქვეყნებიდან გზავნილები წლიურად 4%-ით არის შემცირებული.
ფულად გზავნილებში ქვეყნების მიხედვით, იტალია ლიდერობს, რომელსაც გასულ წელთან შედარებით, ყველაზე დიდი 24%-იანიზრდა ჰქონდა, მას მოსდევს საბერძნეთი და ამერიკის შეერთებული შტატები.
ფულადი გზავნილების შემცირება თურქეთიდან ივნისშიც შეინიშნებოდა . რუსეთიდან განხორციელებულმა ფულადმა გზავნილებმაც განიცადა შემცირება და გასულ წელთან შედარებით, 11.3%-ით შემცირდა. რუსეთიდან ფულადი გზავნილების სიმცირის ნეგატიური ტენდენცია 2018 წლის მეორე კვარტლიდან შეინიშნებოდა.
გზავნილებში რუსეთიდან შემომავალი თანხების წილი წლების განმავლობაში მცირდებოდა. ბოლო თორმეტი თვის მონაცემებით, ფიზიკური პირებისთვის რუსეთიდან განხორციელებული ფულადი გზავნილების მაჩვენებელი 27%-ს შეადგენს, მაშინ როცა, ევროკავშირის ქვეყნები გზავნილების წილში 37.2%-ს იკავებს.