18, ივლისი 2019 17:10:00
მოძრაობის წესების დარღვევის გამო, ბათუმის ბულვარში 25 პირი დაჯარიმდა. ადმინისტრაციის ინფორმაციით, ბოლო ორ თვეში, მონიტორინგის სამსახურის მიერ, ველოსიპედით მოძრაობის წესების დარღვევისთვის 4 პირი დაჯარიმდა, ელექტრომობილების მართვის წესების დარღვევისთვის – 13, მათგან 12 პირი ელექტრომობილით აკრძალულ ტერიტორიაზე მოძრაობდა. ბულვარში ელექტრომობილით, მოტოციკლითა და კვადროციკლით გადაადგილება აკრძალულია, დასაშვებია მხოლოდ დელფინარიუმის მიმდებარე ტერიტორიიდან ახალი ბულვარის მიმართულებით. ჯარიმა 20 ლარით, განმეორებით შემთხვევაში კი – 50 ლარით განისაზღვრება.