20, ივლისი 2019 13:24:00
საქართველოსა და რუსეთის სარაგბო მატჩი აღარ ჩატარდება. რუსეთის რაგბის კავშირის გადაწყვეტილებით, მორაგბეები თბილისში არ ჩამოვლენ. ეს ინფორმაცია ტელეკომპანია „მაესტროს“ საქართველოს რაგბის კავშირის პრეზიდენტმა გოჩა სვანიძემ დაუდასტურა.
„რუსეთის ნაკრები საქართველოში არ ჩამოვა. როგორც გვითხრეს უსაფრთხოების საკითების გამო არ ჩამოდიან. რას ვიზამთ,ჩვენ ალტერნატიულ გუნდს ვეძებთ," - განაცხადა გოჩა სვანიძემ.
საქართველო რუსეთს მსოფლიოს თასის მზადების ფარგლებში 27 აგვისტოს უნდა შეხვედროდა.