22, ივლისი 2019 15:42:00
"TV 25"-ს ინფორმირებულმა წყარომ უთხრა, რომ ტრეფიკინგის ბრალდებით ბათუმში ორი პირი დააკავეს. წყაროს ინფორმაციით, მშობლები შვილებს ქუჩაში მუშაობას აიძულებდნენ. მოზარდები ჭავჭავაძისა და მიმდებარე ქუჩების გზაგამყოფებზე შეწყალებას ითხოვნდნენ.
შინაგან საქმეთა სამინისტროში განმარტეს, რომ დაკავებულია ორი პირი და ამ საქმეზე დამატებით დეტალებს ასევე, ვიდეო კადრებს რამდენიმე წუთში გაავრცელებენ.
მომხდარზე გამოძიება სსკ-ის 143 პრიმა მუხლის 1-ლი ნაწილით (ადამიანით ვაჭრობა - ტრეფიკინგი) მიმდინარეობს.