არასრულწლოვანთა ქორწინების ფაქტი ბათუმში. წყვილს ქორწილი გუშინ, ბიჭის დაბადების დღეზე ჰქონდათ.
გოგოს ასაკი ჩვენთვის ამ დრომდე უცნობია.
17 წლის ბიჭის ოჯახში მისულ „TV 25”-ის გადამღებ ჯგუფს სიტყვიერად დაუპირისპირდნენ. აქ ამ თემაზე საჯაროდ საუბარი არ სურთ. მათივე მტკიცებით, წყვილმა საზღვარი მშობლების ნებართვით, გადაკვეთა და ისინი სამოგზაოდ არიან წასულები.
ფაქტის შესახებ სკოლის ადმინისტრაციას ინფორმაცია არ გააჩნია. დირექტორი ამბობს, რომ ბიჭის მშობლებმა რამდენიმე დღის წინ სკოლას განცხადებით მიმართეს და მოზარდს მოსწავლის სტატუსი შეუჩერდა.
კანონდარღვევაზე შინაგან საქმეთა სამინისტროს ინფორმაცია არ გააჩნია.
2017 წლის იანვრიდან ძალაში შევიდა საკანონმდებლო ნორმა, რომლის მიხედვითაც 18 წლამდე მიუღწეველი პირები ვეღარც სასამართლოს ნებართვით დაქორწინდებიან. ამასთან, საქართველოს სისხლის სამართლის კოდექსის მიხედვით, სრულწლოვანი პირის სქესობრივი კავშირი თექვსმეტ წლამდე ასაკის პირთან ისჯება თავისუფლების აღკვეთით 7-დან 9 წლამდე ვადით.
ამ თემაზე "TV 25"-ის გადამღები ჯგუფი მუშაობს და ვრცელ ინფორმაციას ამ საღამოს 20:30-ზე შემოგთავაზებთ.
17
s
s
s