“ვითომ “ფულის გათეთრების” საქმით არკვევდით ტელევიზიის გეგმებს, პოლიტიკას ანუ დადასტურდა, რომ, პრაქტიკულად, ფარულად უსმენდით იმ ტელევიზიის ყველა თანამშრომელს, რომელსაც თქვენ ვერ აკონტროლებთ!!!!”, – ასე გამოეხმაურა "ტვ პირველის" მფლობელი ინფორმაციას იმის შესახებ, რომ მამუკა ხაზარაძის და ბადრი ჯაფარიძის საქმის ფარგლებში გამოძიება მის სატელეფონო საუბრების მოსმენასაც ახორციელებდა.
ბრავო! თურმე ტელევიზიის მფლობელს უსმენდით 6 თვე ფარულად, ახლა გასაგებია, ამ ვითომ ფულის გათეთრების საქმით, რამდენი რამის გაპრავება სცადეთ. ანუ უსმენდით ჩემს და ინგა გრიგოლიას, ნინო ჟიჟილაშვილის, დიანა ტრაპაიძის, ვახო სანაიას, გიორგი ისაკაძის, თამარ ჩიხლაძის საუბრებს. ვითომ "ფულის გათეთრების" საქმით არკვევდით ტელევიზიის გეგმებს, პოლიტიკას ანუ დადასტურდა, რომ პრაქტიკულად ფარულად უსმენდით იმ ტელევიზიის ყველა თანამშრომელს, რომელსაც თქვენ ვერ აკონტროლებთ!!!!" – წერს ვატო წერეთელი.
მამუკა ხაზარაძისა და ბადრი ჯაფარიძის ადვოკატმა, ზვოად კორძაძემ გუშინ განაცხადა, რომ "ტიბისი ბანკის" საქმის ფარგლებში 20-მდე პირის სატელეფონო საუბრებს უსმენდნენ, მათ შორის "ტვ პირველის" დამფუძნებელსაც. ტვ პირველის დამფუძნებელი ბიზნესმენ ავთო წერეთლის შვილი, ვატო წერეთელია, ავთო წერეთელი კი ხაზარაძე–ჯაფარიძის საქმის ფიგურანტია. ზვიად კორძაძის ინფორმაციით მოსმენა სავარაუდოდ გასული წლის შემოდგომიდან ხორციელდებოდა.
14
s
s
s