05, აგვისტო 2019 21:25:00
მაშველებმა, დრონის დახმარებით აჭარაში მამაკაცი გადაარჩინეს. ფაქტი მახინჯაურში მოხდა. 29 წლის ადგილობრივი, ზღვაში, 3 ბალიან შტორმში შევიდა და გამოსვლას ვეღარ ახერხებდა.
გადარჩენის ოპერაციაში მაშველი დრონის ოპერატორი და სამაშველო კატერი ჩაერთო. მაშველებმა ახალგაზრდა სანაპიროზე უვნებლად გაიყვანეს. მაშველი დრონი, შინაგან საქმეთა სამინისტროს საგანგებო სიტუაციების მართვის სამსახურმა, საზღვაო სეზონზე წელს, დანერგა. უწყება დამსვენებლებს მოუწოდებს დაემორჩილონ მაშველების მითითებებს და დაიცვან უსაფრთხოების ნორმები.