09, აგვისტო 2019 13:55:00
,,ბათომის“ წევრებისა და სამოქალაქო აქტივისტების მიმართავა ბათუმის მერიას საზოგადოება ბათომის წევრები და სამოქალაქო აქტივისტები ბათუმის მერიას მიმართავენ. საქმე ბათუმის კონცხის ე.წ. „ბათუმის რივიერას“განაშენიანების რეგულირების გეგმის გეგმარებითი დავალების დამტკიცებას ეხება. ხელმომწერები მიიჩნევენ, რომ ამ პროექტით დაგეგმარება ეწინააღმდეგება ქალაქის ისტორიულ განაშენიანებას, მის ძირითად მახასიათებლებს და საფრთხის წინაშე აყენებს მის ეკოლოგიურ მდგომარეობას.
დოკუმენტს თან ერთვის რამდენიმე პიუნქტიანი არგუმენტი. ,, შავი ზღვის სანაპიროს მორფოდინამიკა ბათუმის კონცხთან საკმაოდ პრობლემურია, როგორც ეს აღნიშნულია არაერთ ნაშრომში და რასაც არაერთი მეცნიერი ამტკიცებს : ბათუმის კონცხი, ისევე, როგორც სხვა აკუმულაციური კონცხები, ძალზე დინამიკური და მგრძნობიარეა ბუნებრივი და ანთროპოგენული მოვლენების მიმართ. გაბატონებული ტალღების სამხრეთ-დასავლეთისა და დასავლეთის რუმბის ღელვების დროს, ბათუმის კონცხის წყალზედა და წყალქვეშა ფერდზე გროვდება ნატანი, ხოლო აკუმულირებული ნატანის ჭარბი მოცულობა იკარგება დიდ სიღრმეებში. ეს პროცესი ძალზე ნეგატიურად მოქმედებს კონცხის მდგრადობაზე, შესაბამისად, საშიში ხდება ქალაქის ამ მონაკვეთის რეკრეაციული მიზნებისთვის გამოყენება, რომ არაფერი ვთქვათ აქ ასეთი მასშტაბური მშენებლობის განხორციელებაზე. კონცხის ტექნოგენური დატვირთვა მეწყრული პროცესების პროვოცირება-განვითარების საშიშროებას ქმნის, რასაც რამდენჯერმე ისედაც ჰქონდა ადგილი,“- ნათქვამი დოკუმენტში. მიმართვის ავტორები ითხოვენ უზრუნველყოფილი იქნეს შემდეგი გარემოებები :
1. საპროექტო ტერიტორიის დაგეგმარება მოხდეს ქალაქ ბათუმის ისტორიულ–კულტურული საყრდენი გეგმისა და განაშენიანებისრეგულირების არსებული მოთხოვნების შესაბამისად;
2. პროექტისათვის მოხდეს სრულფასოვანი გარემოსა და სოციალურ საკითხებზე ზემოქმედების შეფასების (გსზშ) მიზნით შესაბამისი კვლევების ჩატარება და ანგარიშის მომზადება გამოცდილი და სპეციფიკურად ამ პროფილის მქონე უცხოეთიდან მოწვეული კომპანიის მიერ. ამ ანგარიშში აუცილებლად უნდა შევიდეს ყველა ზემოთ ჩამოთვლილი საკითხი და, ასევე, გათვალისწინებული უნდა იყოს სანაპირო ზოლის ინტეგრირებული მართვის პრინციპები და აზიის განვითარების ბანკის მიერ წამოწყებული პროექტის პრინციპები და ძირითადი მიმართულებები