2019 წლის ივლისში ქვეყანაში შემოსული ფულადი გზავნილების ნაკადების მოცულობამ 154.5 მლნ აშშ დოლარი (443.3მლნ ლარი) შეადგინა, რაც გასული წლის ანალოგურ მაჩვენებელზე 7%-ით (10.1მლნ დოლარით) მეტია.
ინფორმაციას ეროვნული ბანკი ავრცელებს
უცხოეთიდან საქართველოში ფულადი გზავნილების 94.2% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ ივლისში 1 მლნ აშშ დოლარს გადააჭარბა. იმავე 18 ქვეყანაზე გასული წლის ივლისში მთელი ფულადი გზავნილების 94.1% მოდიოდა.
გზავნილებიდან ყველაზე მეტი თანხა რუსეთიდან გადმოირიცხა (38.98მლნ), თუმცა ივლისში გზავნილების წილი -9.36%-ით არის შემცირებული.
ფულადი მოცულობების 59.05 მლნ აშშ დოლარი ევროკავშირის ქვეყნებზე მოდის, რაც მთლიანი წილის 38.21%-ია. წლიური ზრდის ტემპი ევროკავშირის ქვეყნებიდან 21.79% იყო.
გზავნილების 95.48 მლნ აშშ დოლარი 61.79%-იანი წილით კი დანარჩენ ქვეყნებზე ნაწილდება. ამ შემთხვევაში გასული წლის ანალოგიურ პერიოდთან შედარებით კლება -0.45% დაფიქსირდა.
14.77%-ით შემცირდა გადმორიცხვები თურქეთიდან, ხოლო 6.22%-ით გაერთიანებული სამეფოდან.
რუსეთის შემდეგ ყველაზე მეტი თანხა საქართველოში იტალიიდან (20.87მლნ) და საბერძნეთიდან (16.96მლნ) გადმოირიცხა.
2019 წლის ივლისში საქართველოდან საზღვარგარეთ 19.2მლნ აშშ დოლარი (55.2მლნ ლარი) გადაიგზავნა, რაც 2018 წლის ივლისის (18.9მლნ აშშ დოლარი) ანალოგიურ მაჩვენებელთან შედარებით 1.6%-ით მეტია.
6
s
s
s