17, აგვისტო 2019 20:28:00
გამყოფი ხაზის მიმდებარე სოფლის მცხოვრები, 7 ადამიანი, სავარაუდოდ, რუსმა სამხედროებმა დააკავეს. ამის შესახებ qartli.ge-ს მუნიციპალიტეტის მერის წარმომადგენელმა ტარიელ ვათიაშვილმა განუცხადა.
მისი განმარტებით, მათ შორის, 18-წლის ბიჭია, ხოლო დანარჩენნი - 33-38 წლის ასაკს შორის.
,,7-ვე მათგან სატელეფონო კონტაქტი გაწყვეტილია. თუ ჩამოართვეს ტელეფონი, ბუნებრივია, ვეღარ დავუკავშირდებით" - აცხადებს ვათიაშვილი.
მისი განმარტებით, ეკლესიის ტერიტორიაზე ტელეფონს მიღება აქვს და ამიტომაც მოსახლეობა ფიქრობს, რომ ისინი დააკავეს.
ჯერ-ჯერობით, სხვა ინფორმაცია მოსახლეობას არა აქვს. ტარიელ ვათიაშვილი ამბობს, რომ წმინდა გიორგის ეკლესიაში ბიჭები შუადღეს წასულან: ,,დღეს არანაირი დღესასწაული არაა, თუმცა, როგორც ჩანს, მოიწადინეს ასვლა".