17, აგვისტო 2019 20:40:00
სოფელ გომთან, ცენტრალურ ავტომაგისტრალზე ავტოსაგზაო შემთხვევის შედეგად ერთი ადამიანი დაიღუპა, სამი კი დაშავდა. არსებული ინფორმაციით, „ნისანის“ მარკის ავტომობილი გზის სავალი ნაწილიდან გადავარდა.
1tv.ge ინფორმაციით, შემთხვევის შედეგად შუახნის ქალი გარდაიცვალა და დაშავდა სამი ადამიანი, მათ შორის ორი მოზარდი. შსს-ის ინფორმაციით, მომხდარზე გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.