06, სექტემბერი 2019 13:11:00
“ნორმალურ ქვეყანაში ჩვენ ბატონ გიორგი გახარიას პარლამენტში კითხვებს არ უნდა უსვამდნენ, ნორმალურ ქვეყანაში გახარიას კითხვებს ბრალდებულის სკამზე უნდა უსვამდნენ”, – ეს განცხადება თინა ბოკუჩავამ გააკეთა პარლამენტში, სადაც პრემირობის კანდიდატი გიორგი გახარია მინისტრთა კაბინეტთან ერთად ენმ-ს ფრაქციას ხვდება.
ენმ-ს ფრაქციის წევრები თინა ბოკუჩავა და სალომე სამადაშვილი გახარიას 20 ივნისის აქციის დარბევის გამო აკრიტიკებდნენ. მათ გახარიას უწოდეს “ჯალათი, მკვლელი” და ა.შ.
“ამხანაგო გახარია მაინტერესებს რატომ არ გააფრთხილეთ მოქალაქეები, როცა სისხლიანი დარბევა დაიწყო?”, – ჰკითხა მას ბოკუჩავამ. ის ასევე დაინტერესდა ვინ გასცა ბრძანება მან თუ სახელმფისო დაცვის სპეციალური სამსახურის უფროსმა ანზორ ჩუბინიძემ.
“ბატონო გიორგი გახარია, მკლელებთან შეკითხვები არ უნდა ისმებოდეს პარლამენტის პლენარულ სხდომათა დარბაზში. მკვლელებს უნდა იბარებდნენ პროკურატურაში” – მიმართა სამადაშვილმა გახარიას.
მან ასევე განაცხადა, რომ არ აპირებდა დღევანდელ შეხვედრაზე მისვლას, თუმცა გაითვალისწინა ია კერზაიას შვილის, ბაჩანა შენგელიას თხოვნა. მან გახარიას კითხვა კერზაიას საქმეზე, ასევე 20 ივნისის თემაზე დაუსვა.
წყარო : netgazeti