16 სექტემბერს ბათუმის შოთა რუსთაველის სახელმწიფო უნივერსიტეტში ახალი სასწავლო წელი დაიწყება. პირველკურსელებს სასწავლო წლის დაწყებას უნივერსიტეტის რექტორი მერაბ ხალვაში, აჭარის მთავრობის თავმჯდომარე, განათლების, კულტურისა და სპორტის მინისტრი და პროფესორ-მასწავლებლები მიულოცავენ. უნივერსიტეტის ეზოში მოეწყობა ფოტოგამოფენა, რომლის საშუალებით სტუდენტები გაეცნობიან არსებულ სიახლეებსა და მიღწევებს. ახალი სასწავლო წლის გახსნას მუსიკალურად ბსუ-ს ბენდი გააფორმებს.
2019-2020 სასწავლო წელს ბათუმის შოთა რუსთაველის სახელმწიფო უნივერსიტეტში 1273 პირველკურსელი ჩაირიცხა, რომელთაგან სასწავლო გრანტი 100-მდე სტუდენტმა მიიღო, ხოლო 400 სტუდენტი 10 პრიორიტეტულ პროგრამაზე ჩაირიცხა, რომელიც სახელმწიფოს მიერაა სუბსიდირებული. მობილობის ფარგლებში სხვა უნივერსიტეტებიდან ბსუ-ში 140 სტუდენტი გადმოვიდა.
უნივერსიტეტის 7 ფაკულტეტზე 7 000-მდე სტუდენტი სწავლობს, მათ შორის 650 უცხოელი.
14
s
s
s