ქუთაისში, ხარებავას ქუჩაზე, ახალგაზრდა ქალს თავს დაესხნენ. ადგილობრივების ინფორმაციით, კაცი ქალს სახლში შეუვარდა და სავარაუდოდ, მისი გაუპატიურება სცადა. მათივე ინფორმაციით, ქალმა პატრულის გამოძახება მოასწრო.

ადგილზე მალევე მივიდნენ პოლიციის თანამშრომლები. შემთხვევა წუხელ მოხდა. შინაგან საქმეთა სამინისტროს ინფორმაციით, მომხდარზე გამოძიება 19-137-ე მუხლით დაიწყო, რაც გაუპატიურების მცდელობას გულისხმობს. დაკავებულია ერთი კაცი. გრძელდება გამოძიება.

წყარო: ipn.ge