16, სექტემბერი 2019 10:13:00
მე-7 კლასელები დღეიდან ახალ საგანს, „მოქალაქეს“ შეისწავლიან. ახალი საგანი „მოქალაქე“ სამოქალაქო განათლების მიმართულებას მოიცავს და ის დღემდე მხოლოდ მე-3, მე-4, მე-9 და მე-10 კლასებში ისწავლებოდა.
სამოქალქო განათლება შედარებით ახალი საგანია საქართველოს სკოლებში. მაღალ კლასებში ის 2006 წლიდან ისწავლება, თუმცა დაწყებით საფეხურზე მხოლოდ 2018-2019 სასწავლო წელს შევიდა. საგნის სახელწოდებაა „მე და საზოგადოება“. წელს კი სამოქალაქო განათლების მიმართულებას მე-7 კლასელებიც ისწავლიან.
„მოქალაქეს“ ფარგლებში მოსწავლეები შეისწავლიან სახელმწიფოსა და ოჯახის მიმართ საკუთარ უფლება-მოვალეობებს, გასავლელ თემებს შორის იქნება ადრეული ქორწინების რისკები, სახელმწიფოს მოწყობის წესი, საქართველოს მიმართება ევროკავშირთან და დასავლურ ქვეყნებთან და ა.შ.
ამასთან, დაგეგმილია, რომ საგანი „მოქალაქე“ 2020-2021 სასწავლო წელს ახალ საგნად მე-8 კლასშიც უნდა შევიდეს.