17, სექტემბერი 2019 15:37:00
ცილა, რომელსაც ადამიანის ძვლები შეიცავს, შესაძლოა ორგანიზმის სტრესზე რეაგირების მიზეზი გახდეს. ამ საკითხზე გამოცემა Scientific American-მა ვრცელი სტატია გამოაქვეყნა.
მანამდე 10 წლეულების მანძილზე მეცნიერები ფიქრობდნენ, რომ სტრესის დროს რეაქციაზე პასუხს ჰორმონები აგებდნენ. თუმცა ახლა გაირკვა, რომ ეს ოსტეოკალცინია, რომელსაც ადამიანის ძვლები გამოიმუშავებს.
ექიმი-გინეკოლოგი ჯერარდ კარსენტი, კოლუმბიის უნივერსიტეტიდან 20 წლის განმავლობაში ოსტეოკალცინს იკვლევდა. მან კოლეგებთან ერთად გამოარკვია, რომ საცდელ თაგვებს, რომელთაც ეს ნივთიერება არ ჰქონდათ ჭარბი წონა აწუხებდათ და არ მრავლდებოდნენ. აქედან მეცნიერმა დაასკვნა, რომ ოსტეოკალცინი ჰორმონია, რომელიც ადამიანის ძვლოვანი სისტემიდან სისხლში ხვდება. ეს ნივთიერება ორგანიზმს სხვადასხვა ფუნქციების დარეგულირებაში ეხმარება.
მკვლევარებმა სცადეს ამ ნივთიერების გამომუშავების დაბლოკვა თაგვებში და აღმოჩნდა, რომ ცხოველებს ნაკლებად უჩქარდებოდათ გული, არ ჰქონდათ მაღალი ტემპერატურა და არც გულკოზის რაოდენობა იწევდა სისხლში. რამაც დაადასტურა, რომ ოსტეოკალცინი ასრულებდა მთავარ როლს სტრესზე რეაქციის დროს.
ნევროლოგმა ცინცინატის უნივერსიტეტიდან ჯაიმს გერმანმა აღნიშნა, რომ მისმა კოლეგებმა ძალიან მნიშვნელოვანი აღმოჩენა გააკეთეს. მისი შეფასებით, ახლა ადამიანები სტრესს უფრო მარტივად იღებენ.
ოსტეოკალცინი – არის ძვლების ძირითადი ცილა, რომელიც ძვლის ქსოვილის ჩამოყალიბებაში მონაწილეობს. მეცნიერებმა პირველად გამოყვეს ჰორმონი, რომელიც სტრესის გამოვლენაზეა პასუხისმგებელი.