18, სექტემბერი 2019 14:23:00
Facebook-ი, სავარაუდოდ, „ჭკვიან სათვალეებზე“ მუშაობს, - წერს Mashable, რომელიც პროექტს „სუპერ საიდუმლოს“ უწოდებს.
გამოცემის ცნობით, Facebook-ი ამ სათვალეებით მობილური ტელეფონებისთვის კონკურენციის გაწევას შეეცდება და მის ფუნქციებში ზარის განხორციელების შესაძლებლობაც შევა. ასევე, ცნობილი ხდება, რომ Facebook-ი Ray-Ban-ის დამფუძნებელ კომპანია Luxottica-სთან ითანამშრომლებს, რათა მომხმარებლებისთვის სათვალეების დიზაინიც მიმზიდველი იყოს.
თუმცა, Mashable-ს შეფასებით, ე.წ. ჭკვიანი სათვალეების დიზაინისთვის Luxottica-სთან თავის დროზე Google-მაც იმუშავა, მაგრამ ამ უკანასკნელის სათვალეები მომხმარებლისთვის ესთეტიკური არ აღმოჩნდა. „შესაბამისად, Luxottica კარგი დიზაინის გარანტია არ არის“, - წერს Mashable.
Facebook-ის ჭკვიანი სათვალეების სახელი, გავრცელებული ცნობით, Orion-ი იქნება და ბაზარზე 2023-2025 წლებისთვის გამოჩნდება.
წყარო : imedinews.ge