რეგიონში წყალმომარაგების პროექტის განხორციელება იწყება. სიახლე ხუთივე მუნიციპალიტეტს ეხება. უზრუნველყოფს თუ არა პროგრამა მაღალმთიანი სოფლებიში წყლის კომუნიკაციის ინფრასტრუქტურის მოწესრიგებას? ჩემი კოლეგა გიამბობთ
„წყალი ყველაფერს ცვლის“ - ამ სლოგანით, აჭარის ხუთივე მუნიციპალიტეტში, სასმელი წყლისა და წყალარინების პროექტის განხორციელება იწყება. მთავრობის თავმჯდომარის თქმით, პროექტის განხორციელება, სოფლად, საცხოვრებელი პირობების გაუმჯობესებასა და ტურისტული პოტენციალის გაზრდას შეუწყობს ხელს.
პროგრამა, ქობულეთის, ხელვაჩაურის, ქედის, შუახევისა და ხულოს მუნიციპალიტეტებში თანამედროვე სტანდარტების წყლისა და წყალარინების სისტემის დანერგვას ითვალისწინებს. აჭარის მთავრობაში მიაჩნიათ, რომ მაღალმთიანი სოფლების, წყლის კომუნიკაციის თანამედროვე ინფრასტრუქტურით აღჭურვა, ეკოტურიზმის განვითარების თვალსაზრისითაც, მნიშვნელოვანი ნაბიჯია.
დაბებსა და სოფლებში წყალმომარაგებისა და წყალარინების პროგრამა, საქართველოს მთავრობის, გერმანიის რეკონსტრუქციის ბანკისა და ევროკავშირის ერთობლივი თანამშრომლობით იწყება. პროექტის ღირებულება 50 მილიონი ევროა.
სამუშაოები ხუთ წელზეა გათვლილი და მას მონიტორინგს, პარტნიორი ორგანიზაციები, გერმანიის რეკონსტრუქციის ბანკი და ევროკავშირი, გაუწევენ.
პროექტის საკონსულტაციო ჯგუფებისთვის ტენდერი 2018 წელს გამოცხადდა. სამუშაო პროცესის მიმდინარეობას პროგრამის ფარგლებში შექმნილი, სააქციზო საზოგადოება „ბათუმის წყლის ალიანსი“ უხელმძღვანელებს.
6
s
s
s