დაზიანებული ავტობუსის მოსაცდელი, გაზსადენი მილი, მუზეუმის სახურავი-ასეთია წუხანდელი ძლიერი ქარის შედეგები ბათუმში. ძლიერმა ქარმა წუხელ ღამით შაუმიანის და პუშკინის კვეთაში ხე წააქცია, რომელიც მიტოვებულ სარდაფს დაეცა. ბათუმის „გამწვანების სამახური “ ადგილზე დილიდან მუშაობდა. მათი განმარტებით გაწმენდის შემდეგ საშეშე მასალა სოციალურად დაუცველ ოჯახებზე გადანაწილდება. რაც შეეხება ხელოვნების მუზეუმის სახურავს. განათლების სამინისტროს ინფორმაციით მისი რეაბილიტაცია დაუყოვნებლივ დაიწყება.უამინდობის შედეგად საგანგებო და გადაუდებელი სიტუაციების მართვის სააგენტოში სულ სამი გამოძახება დაფიქსირდა. სააგენტოს ინფორმაციით, მასშტაბურ შემთხვევებს ადგილი არ ჰქონია. მაშველებმა გუშინ ღამით ხუთი ადამიანის გადარჩენაც შეძლეს, რომლებიც მდინარე ჭოროხში არსებულ კუნძულზე იმყოფებოდნენ.
62
s
s
s