20, აპრილი 2017 20:08:00
გენდერული თანასწორობის პოლიტიკის განხორციელების ღონისძიებათა 2016-2018 წლების სამოქმედო გეგმაზე იმსჯელეს დღეს გენდერული თანასწორობის საბჭოს სხდომაზე. მეოთხე მოწვევის უმაღლეს საბჭოში აღნიშნული სხდომა ახალი შემადგენლობით დღეს პირველად გაიმართა. როგორ უნდა მოხდეს გეგმის პრაქტიკაში განხორციელება, რა კუთხით ჭირდება დოკუმენტს დახვეწა და რა სიტუაციაა აღმასრულებელ ხელისუფლებაში გენდერული თანასწორობის კუთხით-ეს იმ საკითხთა ჩამონათვალია, რომლებზეც საბჭოს წევრები მუშაობას სამომავლოდ გეგმავენ. სხდომაზე „ნაციონალური მოძრაობის“ წევრებმა საბჭოში მესამე სექტორის წარმომადგენლის ჩართვაც ითხოვეს. გენდერული საბჭოს თავმჯდომარის განმარტებით, გაიმართება სამოქმედო გეგმის საჯარო განხილვა, რომელსაც მესამე სექტორის წარმომადგენლებიც დაესწრებიან.