05, ნოემბერი 2019 19:23:00
პრეზიდენტს ჯერ არ მიუღია გადაწყვეტილება, დააკმაყოფილებს თუ არა საპატრიარქოს შუამდგომლობას დეკანოზ გიორგი მამალაძის შეწყალების თაობაზე. სალომე ზურაბიშვილი ამბობს, რომ უნდა დაფიქრდეს, თუმცა ესეც მას შემდეგ, რაც მის მიერ შეწყალებაზე გამოცხადებული მორატორიუმის ფონზე ახალი წესი შემუშავდება. შეგახსენებთ, მორატორიუმი პრეზიდენტმა მას შემდეგ გამოაცხადა, რაც მარიამობის დღესასწაულზე ხელი მკვლელებისა და ნარკორეალიზატორების შეწყალების სკანდალურ აქტს მოაწერა, რომელიც ჯერ კრიტიკის, შემდეგ კი გამოძიების საგანიც გახდა. დეკანოზის ახლობლებისთვის გაუგებარია, რატომ უჭირს უკვე შეწყალებული მკვლელების ფონზე სალომე ზურაბიშვილს იმ სასულიერო პირის გამოშვება, რომელზეც შუამდგომლობა პატრიარქისა და სინოდისგან მიიღო.