05, ნოემბერი 2019 19:28:00
შპს „ბათუმის ავტოტრანსპორტი“ გარემოვაჭრეებს პარკირების ადგილებში კომერციული საქმიანობის განხორციელებისგან თავის შეკავებისკენ მოუწოდებს. კომპანიის გაფრთხილების გაუთვალისწინებლობის შემთხვევაში, თვითდასაქმებულებს ადმინისტრაციული სახდელი დააკისრებათ. ჯარიმა 100 ლარით, განმეორების შემთხვევაში კი 200 ლარით განისაზღვრება. ორგანიზაციის წარმომადგენლებმა, ცენტრალური ბაზრის მიმდებარე ავტოპარკინგზე, დღეს, რამდენიმე პირი დააჯარიმა. ადგილზე ბათუმის მერიის მუნიციპალური სერვისების განვითარების სააგენტოს წარმომადგენლებიც იმყოფებოდნენ. მერია თვითდასაქმებულებს ალტერნატიულ ადგილს გოგოლის პირველ ნომერში, ,,მეტროს“ ავტოსადგურის მიმდებარე ტერიტორიაზე სთავაზობს.
4
s
s
s