05, ნოემბერი 2019 19:37:00
ჯავახიშვილის ქუჩის მიმდებარე ტერიტორიაზე წყალარინების ქსელის მოწყობა დასრულდა. ამ ეტაპზე, ბაგრატიონის ქუჩიდან ორბელიანის ქუჩამდე მონაკვეთში, ახალ ქსელზე გადართვითი სამუშაოები მიმდინარეობს. წყალარინების ახალ ქსელზე 2000-მდე ოჯახი დაერთდება. პროექტი, რომლის განხორციელებისთვისაც 12 მილიონი ევრო გამოიყო, ჯავახიშვილის ქუჩიდან მეჯინისწყლამდე, 60 კილომეტრიან მონაკვეთს მოიცავს. წყალარინების ცენტრალური და სამომხმარებლო ქსელის რეაბილიტაცია, მუნიციპალური ინფრასტრუქტურის რეაბილიტაციის პროექტის ფარგლებში, მიმდინარე წლის ივნისიდან დაიწყო.