20, ნოემბერი 2019 12:51:00
მეცნიერთა უკანასკნელი გამოგონებით შესაძლებელი იქნება ზღვაში ე.წ „ მოტივტივე მზის ფერმების„ განთავსება, რომელიც გამოიმუშავებს საწვავს, რაც კლიმატის კრიზისის აღმოფხვრას შეძლებს. ინფორმაციას ავრცელებს NBC.
სტატიაში გაცხადებული ინფორმაციის თანახმად, ზღვის ზედაპირზე ერთმანეთის მიჯრით მიეწყობა და განლაგდება მილიონობით მზის პანელი, რომლებიც ერთგვარ ხელოვნურ კუნძულს შექმნიან, რომლებიც ნახშიორჟანგს ზღვის წყლით გარდაქმნიან მეთანოლად, რის შემდეგაც შეძლებენ საწვავით გამართონ თვითმფრინავები და სატირთოები- აღნიშნულ კვლევას ავრცელებს მეცნიერებათა ეროვნული აკადემიის ჟურნალი. მკვლევართა ინფორმაციით, მოტივტივე კუნძულებს შეუძლიათ, შეამცირონ წიაღისეულისგან მოპოვებულ ნავთობებზე დამოკიდებულება.
მეცნიერების განცხადებით, ტექნოლოგია უკვე არსებობს, რომლითაც შეძლებენ, მოტივტივე ე.წ „ მეთანოლის კუნძულების“ ფართო მასშტაბებით გავრცელებას ოკეანის იმ ადგილებში, სადაც მასშტაბური ტალღები და ექსტრემალური ამინდი არ ფიქსირდება. მათი აზრით, აღნიშნული ტექნოლოგიის გასატესტად სასარგებლო იქნება ისეთი ლოკაციები, როგორებიცაა სამხრეთი ამერიკისა და ჩრდილო ავსტრალიის სანაპიროები, არაბეთის ყურე და სამხრეთი აზია.
ციურიხის უნივერსიტეტის ფიზიკოსის, ბრიუს პატერსონის განცხადებით, ერთ მოტივტივე მზის დანადგარს შეუძლია გამოიმუშაოს წელიწადში 15 000 ტონა მეთანოლი, რომლითაც ბოინგ 737-ის ტიპის ავიალაინერს შეეძლება 300 გაფრენა განახორციელოს ნიუ-იორსკა და ფენიქსს შორის. „ ჩვენ გვსურს, რომ გამოვიყენოთ აღნიშნული საწვავი თვითმფრინავებისთვის, მძიმე სატვირთოებისა და გემებისთვის.
პატერსონის განცხადებით, მეთანოლი სხვადასხვა ტრანსპორტის ძრავაში წვის პროცესში ბევრად უფრო ნაკლებ ზიანს ქმნის და უფრო სისუფთავით გამოირჩევა გარემოსთვის, ვიდრე ეს წიაღისეულში მოპოვებული საწვავის გამოყენების შემთხვევაში ხდება. მეცნიერი აღნიშნავს, რომ ნახშირორჟანგი, რომელიც გამოიყოფა მეთანოლის წვის შედეგად ჰაერში საბოლოო ჯამში ისევ დაუბრუნდება ოკეანეში განთავსებულ მზის ენერგიაზე მომუშავე ე.წ „ფერმებს“, რომლებიც მის ხელახლა გამოყენებას შეძლებენ.