20, ნოემბერი 2019 14:43:00
შვედმა მკვლევრებმა ექსპერიმენტებით აჩვენეს, რომ მოხალისე სტუდენტებს, რომლებიც 4 კვირის განმავლობაში რეგულარულად იკვებებოდნენ "სწრაფი კვებით" (ე.წ ფასტფუდით), ღვიძლში განუვითარდათ ისეთი ცვლილებები, რომლებიც ალკოჰოლიზმით დაავადებულთათვის არის დამახასიათებელი, ზოგიერთ მათგანს სხეულის წონაც გაეზარდა 10-15 %-ით. არსობრივად, "საკვლევ ბოცვრებს", როგორც მოხალისე სტუდენტებს უწოდებდნენ მეცნიერები, განუვითარდათ ღვიძლის არაალკოჰოლური ცხიმოვანი პათოლოგია. ეს მდგომარეობა თავის მხრივ ზრდის სხვადასხვა დაავადების განვითარების რისკს, კერძოდ, ჰიპერტონული დაავადების, შაქრიანი დიაბეტი ტიპი 2-ის და გულის იშემიური დაავადების.
ცუდი ფაქტია ისიც, რომ ექსპერიმენტში მონაწილეებს ღვიძლში აღმოცენებული ცვლილებები მხოლოდ წლინახევრის შემდეგ აულაგდათ. თუ ისინი გააგრძელებდნენ სხვა თანატოლების მსგავსად სწრაფ კვებას, მათი დაავადება პროგრესირდებოდა და 40-45 წლის ასაკისათვის სხვა სერიოზული პრობლემები შეექმნებოდათ.