27, დეკემბერი 2019 19:43:00
ბათუმის ღვთისმშობლის ეკლესიის ფრესკების რესტავრაცია დაიწყო. სამუშაოებს ფონდ ,,ქართუ’’-სთან არსებული საქართველოს ისტორიულ ძეგლთა დაცვის და გადარჩენის ფონდი 300 ათასი ლარით აფინანსებს. პროექტი ხელოვნების ნიმუშთა კონსერვაციის ცენტრმა მოამზადა. გაირკვა, რომ დაზიანებები სახურავიდან ჩადენილმა ნალექმა გამოიწვია. ღვთისმშობლის შობის საკათედრო ტაძარი XIX-XX საუკუნეების სატაძრო ხუროთმოძღვრებისა და მხატვრობის ერთ-ერთი გამოჩეული ნიმუშია. ამჟამად, ეკლესია ბათუმისა და ლაზეთის ეპარქიის მთავარი საკათედრო ტაძარია.