სახელმწიფო აუდიტის სამსახურმა ხელვაჩაურის მუნიციპალიტეტის 2018 წლის ბიუჯეტით გათვალისწინებული პროგრამების შესაბამისობის აუდიტი ჩაატარა. შედეგად შემდეგი დარღვევა-ნაკლოვანებები გამოვლინდა:
ხელვაჩაურის მუნიციპალიტეტის მიერ 2018 წელს წყლის სისტემის ინფრასტრუქტურის მოწყობის/რეაბილიტაციისათვის გათვალისწინებული იყო 32 პროექტი, რომლის ფარგლებშიც რეაბილიტაცია ჩაუტარდა 3-ს, ხოლო აშენდა 6 საქლორატორო შენობა, რისთვისაც დაიხარჯა სულ 63,049 ლარი.
აუდიტის შედეგად დადგინდა, რომ აღნიშნულ შენობებში არ არის განთავსებული საქლორატორო დანადგარები, ხოლო ზოგიერთ შემთხვევაში წყლის დაქლორვა ხდება კუსტარული წესით.
საქლორატორო დანადგარების შეძენა-მონტაჟი არ იყო გათვალისწინებული არც 2018 წლის და არც მიმდინარე, 2019 წლის მუნიციპალიტეტის ბიუჯეტებით. გამომდინარე აქედან, მიუხედავად დახარჯული 63,049 ლარისა, არ ხდება საქლორატოროების დანიშნულებისამებრ გამოყენება. აუდიტის ჯგუფმა შესრულებული სამუშაოები შეისწავლა როგორც დოკუმენტურად, ისე შერჩეული ობიექტების ვიზუალური დათვალიერებით.
შედეგად, გამოვლინდა სამუშაოთა როგორც უხარისხოდ შესრულების, ისე 5,551 ლარის სამუშაოების შეუსრულებლობის ფაქტები, მიუხედავად იმისა, რომ სამუშაოთა შესრულება დადასტურებულია მერიის შიდა სტრუქტურული ერთეულებისა და ზოგ შემთხვევაში, აკრედიტებული ექსპერტის9 მიერ. მაგალითად:
სოფელ ახალშენის წყალსადენის რეაბილიტაცია − არ შესრულებულა შემდეგი სამუშაოები: სადეზინფექციო შენობაში დანადგარ-მოწყობილობების მონტაჟი, ლითონის ფურცლის მოწყობის და სამღებრო სამუშაოები.
სოფელ ერგეში წიფლნარას წყალსადენის კაპტაჟების რეაბილიტაცია − არ შესრულებულა შემდეგი სამუშაოები: რეზერვუარის მეორადი გადახურვა ლითონის ფურცლით, საფეხმავლო ბილიკი და საქლორატოროზე სენდვიჩპანელის მოწყობა (ნაცვლად 26 კვ.მ-ისა, მოწყობილია 12 კვ.მ).
სასმელი წყლის რეაბილიტაცია/მოწყობის სამუშაოები შესრულებულია ხარვეზებით, გამოვლენილია როგორც უხარისხოდ შესრულებული სამუშაოების, ასევე არანაკლებ 5,551 ლარის სამუშაოების შეუსრულებლობის ფაქტებიც, რისთვისაც მიმწოდებლებისათვის გადახდილია თანხები. მერიამ ვერც შემდგომ პერიოდებში მოახერხა აღნიშნული ხარვეზების გამოვლენა და შესაბამისად, გამოსწორება, რაც მერიის შიდა კონტროლის არსებით სისუსტეზე მიუთითებს.
1
s
s
s