„ფორმულაზე” გიორგი თარგამაძის გადაცემა “დროება” ბრუნდება. ინფორმაცია ამის შესახებ „გიორგი თარგამაძის ფორმულაში” არხის დირექტორმა, ზუკა გუმბერიძემ დააანონსა. გადაცემა ეთერში მომავალი წლის თებერვლის ბოლოს ან მარტის დასაწყისში გავა.
„დროება“ იქნება საკვირაო ტელეჟურნალი. ის იქნება კვირის შემაჯამებელი გადაცემა, მაგრამ არ იქნება მხოლოდ იმ კვირის ამბებზე ფოკუსირებული. იქნება ისეთი თემების შემომტანი, რომელიც ზოგადად საზოგადოების განვითარებისთვის არის საინტერესო. ასევე იქნება ისეთი სიუჟეტები, რომელიც ჩვენი საზოგადოების არეალს კიდევ უფრო მეტად გააფართოებს, არ ჩაგვკეტავს მხოლოდ ჩვენი ქვეყნის შიდა პრობლემებში, არამედ დანარჩენ მსოფლიოსაც დაგვანახებს კიდევ უფრო საინტერესოდ და ასევე, იმას, თუ რითი შეიძლება ჩვენ ვიყოთ დანარჩენი მსოფლიოსთვის საინტერესო. ვგეგმავთ, რომ თებერვლის ბოლოს ან მარტის დასაწყისში „დროება“ უკვე ეთერში გავიდეს”, - თქვა გიორგი თარგამაძემ.
შეგახსენებთ, 2007 წელს ტელეკომპანია „იმედში” სპეცრაზმის შეჭრის შემდეგ გიორგი თარგამაძემ “ქრისტიან-დემოკრატიული მოძრაობა” დააფუძნა და 2008 წელს პარლამენტში შევიდა. ის 2013 წლის საპრეზიდენტო არჩევნებშიც მონაწილეობდა. ამის შემდეგ თარგამაძე პარტიულ პოლიტიკურ საქმიანობას ჩამოშორდა.
წყარო: პრაიმტაიმი
8
s
s
s