30, დეკემბერი 2019 18:47:00
გუდიაშვილის ქუჩაზე კეთილმოწყობის სამუშაოები მიმდინარეობს. პროექტით მიწისქვეშა საკომუნიკაციო სამუშაოების, გზის სავალი ნაწილისა და ტროტუარების რეაბილიტაციაა გათვალისწინებული. სამუშაოებისთვის 717 ათას ლარზე მეტია გათვალისწინებული. პროექტი მაგნოლიის პირველი შესახვევის კეთილმოწყობასაც ითვალისწინებს, სადაც სამუშაოები დასასრულს უახლოვდება. სამუშაოები 2020 წლის მარტში დასრულდება და მისი საერთო ღირებულება დაახლოებით 935 ათასი ლარია.