11, იანვარი 2020 18:09:00
მეცნიერების აზრით, ადამიანები, რომლებიც ყოველთვის აგვიანებენ, არ ცდილობენ ამით უპატივცემულობა გამოიჩინონ. ფსიქოლოგების თანახმად, ადამიანთა 2 ტიპი არსებობს. პირველი ტიპი (ტიპი A) უფრო აგრესიული, თვითკრიტიკული, კონკურენტუნარიანი და დროის მიმართ მგრძნობიარეა. მეორე (ტიპი B) – უყვართ დაგვიანება, არიან მომთმენნი და ცხოვრებას შედარებით მარტივად უყურებენ. ამავე დროს, მათ აქვთ თვისებები, რაც წარმატების მიღწევაში ეხმარება. მაგალითად:
არიან უფრო კრეატიულები
აქვთ წარმოსახვის მაღალი დონე, რაც ეხმარება შემოქმედებით საქმიანობას მარტივად და წარმატებით გაართვან თავი. არ ეშინიათ წესების დარრვევის. არ უყვართ ჩარჩოში მოქცევა.
არიან ოპტიმისტები
კვლევებით დადგინდა, რომ დაგვიანების მოყვარული ადამიანები უფრო ოპტიმისტები არიან. ამ თვისების გამო, მათ უფრო მეტად აქვთ ტენდენცია ცხოვრებაში წარმატების მიღწევის და არ დანებების. ფსიქოლოგმა მარტინ სელიგმანმა ჩაატარა კვლევა, რომელმაც აჩვენა, რომ ოპტიმისტურად განწყობილმა გამყიდველებმა 88% -ით მეტი გაყიდეს, ვიდრე პესიმისტებმა. ზოგადად, ოპტიმისტები წინ მიიწევენ არსებული პრობლემის მიუხედავად, რადგან თვლიან, რომ გამოსავალი ყოველთვის არსებობს.
შეუძლიათ რამდენიმე საქმის ერთდრულად კეთება
თუ თქვენი მეგობარი ყოველთვის აგვიანებს, ეს, შესაძლოა, იმიტომ არ არის, რომ ის ზარმაცია. არსებობენ ადამიანები, ვინც რამდენიმე საქმეს ერთდროულად აკეთებს, რაც მათ წარმატების მიღწევის შესაძლებლობას აძლევს.
არიან ნაკლებად დასტრესილები
თუ რამე სასწრაფოდაა გასაკეთებელი, ისინი პანიკაში არ ვარდებიან. ეს თვისება ძალიან მნიშვნელოვანია სამსახურში, რადგან ნაკლები სტრესი ნიშნავს უკეთეს მუშაობას.