სტატისტიკურ მონაცემებს თუ დავეყრდონით, მსოფლიოში დაახლოებით 600 მილიონი ადამიანი ებრძვის ღრძილების დაავადებას. ბევრმა არ იცის, რომ დაავადებასთან ბრძოლა სახლის პირობებშიც შესაძლებელია. თუ ღძილებიდან სისხლდენაც ამჩნევთ, ეს პირველი ნიშანია იმისა, რომ მკურნალობაა საჭირო.
ქვემოთ მოცემულია რამდენიმე გზა, თუ როგორ შეგიძლიათ გაუმკლავდეთ ღრძილების დაავადებას და ასევე, როგორ აუცილოთ ის თავიდან:
1. გამოიყენეთ ცივი საფენი შეშუპების შესამცირებლად და თბილი – ტკივილის შესამსუბუქებლად
სისხლდენის შემთხვევაში შეგიძლიათ ცივი საფენი ან ყინული მიიდოთ ღრძილთან. გაიჩერეთ საფენი, სანამ სისხლდენა არ შეწყდება. გაითვალიწინეთ, რომ თუ ცივი საფენის დადებიდან 10 წუთის განმავლობაში სისხლდენა არ შეწყდა, აუცილებელია მიმართოთ სტომატოლოგს. თბილი საფენი დაგეხმარებათ კბილისა და ღღძილების ტკივილის შემცირებაში.
2. გამოიყენეთ მარილიანი სავლები
ერთ ჭიქა თბილ წყალში გახსენით ერთი ჩაის კოვზი მარილი. 30 წამის განმავლობაში გაიჩერეთ ნაყენი პირში. გაიმეორეთ 4-5 ჯერ. რეკომენდირებულია დღეში ორჯერ გამეორება – დილით და ძილის წინ. მარილიანი წყალი ამცირებს ღრძილების შეშუპებას და ღრძილებიდან სისხლდენას აჩერებს. იგი ასევე ქმნის დროებით მაღალ ტუტე გარემოს პირის ღრუში, რითაც ხელს უწყებს ბაქტერიების შემცირებას.
3. გამოიყენეთ ჩაის პაკეტები
ჩაის პაკეტი მოათავსეთ მდუღარე წყალში 2 წუთის განმავლობაში. შემდეგ ამოიღეთ და გააციეთ. ჩაის პაკეტი მიიდეთ დაზიანებულ ღრძილეზე და გაიჩერეთ 5 წუთის განმავლობაში. ჩაი შეიცავს მჟავას, რომელიც ხელს უწყობს ღრძილების ინფექციებისგან განთავისუფლებას.
4. მიირთვით ხრაშუნა ბოსტნეული
ხრაშუნა ბოსტნეული გვეხმარება კბილებს შორის სივრციდან საკვების ნარჩენების გამოდევნაში, რაც თავის მხრივ ამცირებს ბაქტერიების გავრცელებას. ამ საკვების მიღება ასევე ხელს უწყობს ნერწყვის წარმოქმნას, რაც კიდევ უფრო ასუფთავებს პირის ღრუს. ასევე, იმის გამო, რომ ბოსტნეული შეიცავს ძალიან მცირე რაოდენობით შაქარს და ნახშირწყლებს, იგი ხელს არ უწყობს კბილების ამოვარდნას.
5. წაისვით თაფლი
ყოველ დილით შეიზილეთ თაფლი დაზიანებულ ღრძილებზე 10 წუთის განმავლობაში. თაფლს აქვს ბუნებრივი ანტიბაქტერიული და ანტისეპტიკური თვისებები. გახსოვდეთ, რომ თაფლი უნდა შეიზილოთ მხოლოდ ღრძილებზე და არა კბილებზე, განსაკუთრებით მაშნ, თუ კარიესი გაქვთ. ამან შესაძლოა ტკივილიც გამოიწვიოს.