19, თებერვალი 2020 18:27:00
განსაკუთრებით დიდი ოდენობით ნარკოტიკული საშუალებების უკანონო შეძენა-შენახვასა და საქართველოში უკანონოდ შემოტანის ბრალდებით ერთი პირი დააკავეს. იგი აზერბაიჯანის მოქალაქეა. შინაგან საქმეთა და ფინანსთა სამინისტროების თანამშრომლებმა, ერთობლივად ჩაატარეს ღონისძიება, შედეგად კი სარფში ათას 702 აბი და 2 ნატეხი ნარკოტიკული საშუალება ემ დე ემი , „ლირიკის“ 490 კაფსულა და 237 გრამი გამომშრალი მარიხუანა ნივთმტკიცებად ამოიღეს. მიმდინარეობს გამოძიება. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.