26, თებერვალი 2020 17:02:00
შეცდომა, რომელმაც სისტემა ამხილა. აჭარის მთავრობის პრესსსამსახურის თანამშრომელი სკანდალში გაეხვია. საუბარია სმს-ზე, რომელიც ჟურნალისტების ჩატში შემთხვევით მოხვდა. როგორც აღმოჩნდა, ნონა კვასტიანს, მისამართი შეეშალა და ადგილობრივი ხელისუფლების მხარდამჭერებთან გასაგზავნი მესიჯი, მედიის წარმომადგენლებს მიწერა. წერილის შინაარსი კი ასეთი იყო. კვასტიანი თორნიკე რიჟვაძის ტვ იმედზე პირდაპირი ეთერის მიმდინარეობის პროცესში ბოტებთან საბრძოლველად მათიანების მობილიზებას ითხოვდა. კოლეგაზე ხელის დასაფარებლად ჟურნალისტების ჩატში გზავნილი მალევე წაშალეს და დაწერეს, რომ იგი კვასტიანის ფანტაზიის ნაყოფი იყო, თუმც დღეს ფაქტს საპირისპირო ახსნა მოუძებნეს. თავად ნონა კვასტიანმა ჩვენს სატელეფონო ზარებს არ უპასუხა.
ეს ფეისბუქ შეტყობინება ჟურნალისტების ჩატში გუშინ 22 საათსა 50 წუთზე გაჩნდა. ავტორი აჭარის მთავრობის პრეს-სამსახურის ერთ-ერთ თანამშრომელი - ნონა კვასტიანია. იგი სავარაუდოდ განკუთვნილი იქო აჭარის მთავრობის თავმჯდომარის - თორნიკე რიჟვაძის მხარდამჭრებისთვის და კვასტიანს მისამართი შეეშალა. მედიასთან შემთვევით მოხვედრილი ეს წერილობითი შეტყობინება სულ რამდენიმე წამში გაქრა ჩატიდან, თუმცა მისი დასქრინვა და გავრცელება ტვ25-ის საინფორმაციო სამსახურის ხელმძღვანელმა მაინც მოასწრო. ასე გავრცელდა ფართო მედიაშიც.
მას შემდეგ, რაც ნონა კვასტიანის წერილის შესახებ გავრცელდა, ფაქტზე დაუყოვნებლივ მოახდინეს რეაგირება სხვადასხვა მედიასაშუალებში. საპასუხოდ პრეს-სამსახურის კიდევ ერთმა თანამშრომელმა ნათია ტუღუშმა გუშინვე ჟურნალისტების ჩათში შემდეგი შინაარსის წერილი დაწერა.
აჭარის მთავრობის ადმინისტრაციამ, ფაქტზე განმარტება დღეს გააკეთა, ისიც მხოლოდ წერილობით და ასევე ჟურნალისტების ჩათში. წერილში წერია:
იმ დროს, როდესაც ნონა კვასტიანმა იდეაში აჭარის მთავრობის თავმჯდომარის მომხრეებს მიმართა, თორნიკე რიჟვაძე ტელეკომპანია „იმედში“ იმყოფებოდა და გადაცემა „სვოტ ანალიზის“ პირდაპირი ეთერისთვის ემზადებოდა. სწორედ ამისტომ სურდა კვასტიანს მხარდამჭრების მობილიზება სოციალურ ქსელში პოზიტიური კომენტარებისთვის. სპეციალური შეტყობინება სხვაგან გაიგზავნა, თუმცა „იმედის“ და აჭარის მთავრობის ოფიცილაურ ფეისბუქ გვერდებზე მთავრობის საქებარი კომენტარები მაინც მრავლად დაიწერა ვკითხულობთ რამდენიმეს:
ათობით სამადლობელ და საქებარ კომენტარებს შორის არ მოიძებნა არც ერთი განსხვავებული თუ კრიტიკული შინაარსის წერილი.