19, მარტი 2020 20:11:00
თვითიზოლაციის წესების დარღვევის 28 ახალი ფაქტი. შემთხვევები ქვეყნის რამდენიმე რეგიონში დაფიქსირდა. დამრღვევები საკარანტინო ზონაში იძულებით არიან გადაყვანილები. ასეთი სულ 127 ადამიანია. შინაგან საქმეთა სამინისტრო კიდევ ერთხელ მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ რეგულაციებს. უწყება დაავადებათა კონტროლის ეროვნულ ცენტრთან ერთად, კოვიდ19-ის შესაძლო გავრცელების პრევენციის მიზნით, საქართველოს მასშტაბით, თვითიზოლაციაში მყოფი მოქალაქეების მონიტორინგს აქტიურად ახორციელებს.