19, მარტი 2020 20:22:00
აჭარაში 70 წელს გადაცილებულ და სოციალურად დაუცველი სტატუსის მქონე პირებს, რომლებიც მთავრობის ინიციატივით თვითიზოლაციაში უნდა იყვნენ, საკვებს სახლებში მიაწვდიან - განცხადება აჭარის მთავრობის თავმჯდომარემ საგანგებოდ გამართულ ბრიფინგზე გააკეთა. საუბარია იმ მოხუცებზე, რომლებსაც სოციალური დაცვის ბაზაში 100 ათას ქულაზე ნაკლები უფიქსირდებათ. ასეთი სულ 6 ათას 400 ადამიანია. რიჟვაძის განცხადებითვე, აჭარის მთავრობა მოხუცებს პირველადი მედიკამენტების კუთხითაც დაეხმარება.