18, მარტი 2020 12:08:00
ბათუმი-ოზურგეთის მიმართულებით მოძრავ მატარებელში სადეზინფექციო სამუშაოები არ ჩატარებულა - ინფორმაცია ტვ25-ის საინფორმაციო სამსახურს ერთ-ერთმა მოქალაქემ მოგვაწოდა. მოქალაქე რედაქციაში ტელეფონით დაგვიკავშირდა, რომელიც აღნიშნავს, რომ მატარებლით საკმაოდ ბევრი მგზავრი სარგებლობს, ჰიგიენური ნორმები კი ვაგონებში დაცული არ არის. საპირისპიროს ამტკიცებენ საქართველოს რკინიგზაში. აქ განმარტავენ, რომ კოვიდ19-ის პრევენციის მიზნით, მოძრავი შემადგენლობები, სადგურები, სერვის ცენტრები და დეპოები სპეციალური სადეზინფექციო ხსნარით მუშავდება.