18, მარტი 2020 12:12:00
ბათუმიდან აჭარის მუნიციპალიტეტებში მოძრავი მიკროავტობუსის მძღოლები პრემიერ-მინისტრის მოწოდებას არ დაემორჩილნენ. აკრძალვის მიუხედავად, ისინი დღეს სამუშაოდ გამოვიდნენ. მგზავრთა გადაყვანას, თითქმის ყველა მუნიციპალიტეტის მიმართულებით მოძრავი სამარშრუტო ტაქსები უზრუნველყოფდნენ. როგორც მუნიციპალიტეტების პრეს-სამსახურებში გვითხრეს, თვითნებობის ფაქტზე ინფორმირებულები არ იყვნენ, ამიტომ მოიკვლევენ საკითხს.შეგახსენებთ, გიორგი გახარიამ მიკროავტობუსებით გადაადგილება გუშინ, სპეციალურად გამართულ ბრიფინგზე აკრძალა, რადგან, მცირე სივრცის მქონე სატრანსპორტო საშუალებები, ვირუსის გავრცელებისთვის სახიფათოა.