18, მარტი 2020 12:16:00
ბათუმის ინფექციურ საავადმყოფოში ამ დროისთვის 3 პირია მოთავსებული, მათგან ერთს კი კორონავირუსი ოფიციალურად აქვს დადასტურებული. ინფექციონისტების განმარტებით, მისი მდგომარეობა სტაბილურია და იგი ბოქსირებულ განყოფილებაში, მედიკოსების მეთვალყურეობის ქვეშ იმყოფება. დანარჩენ ორ პაციენტს ანალიზები უკვე აუღეს, პასუხები კი ცნობილი დღის ბოლოს გახდება. ორივე პირს, მაღალი რისკის ქვეყნებში მოგზაურობის ისტორია აქვს. რაც შეეხება საკარანტინო სივრცეს, ამ დროისათვის ბათუმში, 400-მდე პირია მოთავსებული, თვითიზოლაციაში კი 150-ზე მეტი ადამიანი იმყოფება.