18, მარტი 2020 12:46:00
საქართველოში კორონავირუსით ინფიცირების შემთხვევათა რაოდენობა 38-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. ახალი პაციენტებიდან 2 ინფექციურ საავადმყოფოშია მოთავსებული. კლინიკის სამედიცინო დირექტორის, მარინა ეზუგბაიას განცხადებით, ორივე მათგანი სამედიცინო დაწესებულებაში მოთავსებულ მოქალაქეებთან დაკავშირებული პირები არიან. ცნობისთვის, 38 ადამიანიდან 1 გამოჯანმრთელებულია.