23, მაისი 2017 20:08:00
ბათუმისა და ლაზეთის ეპარქია დეკანოზ გიორგი მამალაძის ადვოკატების მიერ ბოლო პერიოდში გაკეთებულ განცხადებებს ეხმაურება. ეპარქიის პრესსამსახურის ვებ-გვერდზე სპეციალურ განცხადებაში ვკითხულობთ, რომ ეპარქიას და მის მღვდელმთავარს არ გააჩნდა ინფორმაცია დეკანოზ გიორგი მამალაძის კერძო სამეწარმეო საქმიანობის შესახებ, როგორც საქართველოში, ასევე მის ფარგლებს გარეთ. რაც შეეხება ჩაქვის სკოლის მშენებლობასთან დაკავშირებით გავრცელებულ ინფორმაციას, ბათუმისა და ლაზეთის ეპარქიის განცხადების თანახმად, ეს არასწორია, რადგან ჩაქვის წმინდა დავით აღმაშენებლის სახელობის სკოლა 1998 წლიდან ფუნქციონირებს, რომელსაც გარკვეული პერიოდი თავად დეკანოზი ხელმძღვანელობდა.