2020 წლის საპარლამენტო არჩევნებისთვის 30 მაჟორიტარული ოლქის განაწილების წინასწარი სქემა ცნობილია.„ქართული ოცნების“ საპარლამენტო უმრავლესობის წევრის, ირაკლი კობახიძის ინფორმაციით, წინასწარი მონახაზით, თბილისში - 7 , იმერეთში 4, აჭარაში, სამეგრელოში, კახეთსა და ქვემო ქართლში 3-3 , შიდა ქართლსა და სამცხე-ჯავახეთში 2-2 , ხოლო თითო მაჟორიტარული ოლქი იქნება გურიაში, მცხეთა-მთიანეთსა და რაჭა-ლეჩხუმ-სვანეთში. ოპოზიციასა და მმართველ გუნდს შორის მიღწეული შეთანხმებით პროპორციული წესით აირჩევა 120 და მაჟორიტარულით 30 დეპუტატი, საარჩევნო ბარიერი იქნება 1% და უზრუნველყოფილი იქნება ე.წ. ჩამკეტი, რათა ხმების 40%-ზე ნაკლების მქონე პარტიამ ვერ შეძლოს საპარლამენტო უმრავლესობის შექმნა. დღეს მოქმედი წესით, საქართველოს პარლამენტის 150 წევრიდან 73 მაჟორიტარული, ხოლო 77 პროპორციული სისტემით აირჩევა.
37
s
s
s