თურქეთის ქალაქ ორდუში 34 წლის ქართველი ემიგრანტი ქალი მოკლეს. გარდაცვლილი სასტიკად არის ნაწამები. ეჭვმიტალინი დაკავებულია. თურქული გამოცემა „ჰარიათის“ ინფორმაციით, ცხედარი ეჭვმიტანილის ოჯახში აღმოაჩინეს. გამოცემა წერს, რომ მძაფრი სუნისგან შეწუხებულმა მეზობლებმა პოლიცია გამოიძახეს. კარის გატეხვის შემდეგ კი ოთახში ახალგაზრდა ქალის ცხედარი სკამზე მიბმული, ყელგამოჭრილი იპოვეს. ცხედარი ექსპერტიზაზეა გადაყვანილი. თურქული სააგენტოების ცნობით, დანაშაულში ბრალდებული ტრაპზონში დააკავეს. მათივე ინფორმაციით, იგი ყრუ-მუნჯია. სააგენტოების ცნობით საგამოძიებო ქმედებები გრძელდება. გარდაცვლილი 10 წელი ემიგრაციაში იმყოფებოდა. საქართველოს საგარეო საქმეთა სამინისტროში აცხადებენ, რომ საკითხთან დაკავშირებით, შეტყობინება თურქეთის პოლიციის მხრიდან ტრაპზონში საქართველოს საკონსულოში უკვე შესულია. შესაბამისად, საკონსულო მუდმივ კომუნიკაციაში იმყოფება, როგორც მოკლულის ოჯახის წევრებთან, ისე ადგილობრივ სამართალდამცველებთან. გარდაცვლილის საქართველოში გადმოსვენების პროცედურებზე მუშაობა მიმდინარეობს.
124
s
s
s