31, მარტი 2020 17:32:00
TBC ბანკი, მთავრობასთან კონსულტაციების შედეგად, პროგრამის #თიბისიშენთვის ფარგლებში COVID19-ის 10 ათას სწრაფ ტესტს შეიძენს. თიბისი აცხადებს, რომ ტესტები საქართველოში უახლოეს დღეებში იქნება და ჯანდაცვის სამინისტროს ჩამოსვლისთანავე გადაეცემა. 215 ათასი ერთეული სწრაფი ტესტი საქართველოს ხელისუფლებას ჩინური კომპანიისგან უნდა შეეძინა, თუმცა, კომპანიამ ტესტები დაბალი ხარისხის გამო უკან გაიწვია. როგორც ჯანდაცვის მინისტრმა ოთხი დღის წინ განაცხადა, ხელშეკრულება ანულირებულია.