ყველა მეზღვაურის საბუთი, იქნება ეს კომპეტენციის ან კვალიფიკაციის დამადასტურებელი სერტიფიკატი თუ მეზღვაურის წიგნაკი, რომლის მოქმედების ვადაც იწურება 2020 წლის პირველ სექტემბრამდე, ავტომატურად ჩაითვლება ექვსი თვის ვადით გაგრძელებულად, საზღვაო ტრანსპორტის სააგენტოსთვის ოფიციალურად მიმართვის გარეშე – განცხადება სააგენტოს დირექტორმა გააკეთა. თამარ იოსელიანის განცხადებით, ასევე ექვსი თვის ვადით იქნება გაგრძელებული გემზე მყოფი ყველა მეზღვაურის სამედიცინო მოწმობა, რომელიც გაცემულია და რომლის მოქმედების ვადაც 2020 წლის პირველი იანვრის შემდეგ ამოიწურა. იოსელიანის განნმარტებით, პანდემიის შედეგად საზღვაო სფეროში ერთ-ერთ უმწვავეს გამოწვევად მეზღვაურთა გემზე შეცვლის პროცესი რჩება. მისი თქმით, საერთაშორისო საზღვაო ორგანიზაციამ წევრ სახელმწიფოებს მოუწოდა, რომ მეზღვაურის პროფესია გამოცხადდეს ე.წ. „ძირითად პროფესიად“ რომელზეც შეზღუდვები არ იმოქმედებს. მიუხედავად იმისა, რომ საბოლოო გადაწყვეტილება ჯერ არ მიღებულა, ძირითადმა ხაზებმა და უმსხვილესმა კომპანიებმა ეკიპაჟის ცვლილების პროცესი მაისის ბოლომდე შეაჩერეს.
8
s
s
s