08, აპრილი 2020 21:29:00
ონლაინ ვაჭრობის უსაფრთხოება, კონტროლის გამკაცრების ზომები, სახლში მკურნალობის მზაობა და სწრაფი ტესტების მარაგი - აღნიშნულ თემებზე განცხადებები უწყებათაშორისი საკოორდინაციო საბჭოს სხდომის დასრულების შემდეგ გაკეთდა. ჟურნალისტების კითხვებს მინისტრებმა უპასუხეს. თამარ კიკნაძე ჩაგვერთვება ახლა თემის დეტალებით. თამარ, რა გაცხადებები გაკეთდა დღეს ბრიფინგზე?
სტატისტიკით დავიწყებ ნინი. საკარანტინო ზონებში ამ დროისთვის მთელი ქვეყნის მასშტაბით 4 682 ადამიანი იმყოფება. ისინი ჯამში ქვეყნის 86 სასტუმროში არიან გადანაწილებულნი. სწორედ საკარანტინო ღონისძიებების მასშტაბურობაზე ისაუბრა ეკონომიკისა და მდგრადი განვითარების მინისტრმა, ნათია თურნავამ დღეს, გამართულ ბრიფინგზე. მინისტრმა მადლობა გადაუხადა ყველას, ვინც ჩართულია კარანტინში მყოფთა მომსახურების პროცესში.
ტიკარაძემ ისაუბრა ონლაინ ვაჭრობის უსაფრთხოებაზეც. აღნიშნა, რომ ონლაინკომპანიები და ონლაინგაყიდვების სერვისები შემოწმების კუთხით პრიორიტეტში უნდა გადმოვიდეს. მინისტრის თქმით, ონლაინგაყიდვების მიმართაც იგივე მიდგომები იქნება, რაც ყველა სხვა შემთხვევაში არსებობს. გამოთქვა იმედი, რომ ამ სფეროშიც გაჩნდებიან ისეთი კომპანიები, რომლებიც წარმატებით გაივლიან შემოწმებას, ფაქტები კი გახდება საჯარო და შედეგად სხვა კომპანიებიც მიბაძავენ და გადაიღებენ პრაქტიკას.
მთავრობის ადმინისტრაციაში გამართული უწყებათაშორისი საკოორდინაციო სხდომის შემდეგ გამართულ ბრიფინგზე შეკითხვებს უპასუხა საქართველოს პრემიერ-მინისტრის პრეს-სპიკერმა ირაკლი ჩიქოვანმა. ერთ-ერთ ნაწილში მან განაცხადა, რომ კონტროლის გამკაცრების ზომა და ხარისხი დაეყრდნობა იმ ვითარებას, რაც კონკრეტულ მუნიციპალიტეტში იარსებებს.
ჟურნალისტების შეკითხვებს უპასუხა საქართველოს ჯანდაცვის მინისტრმა - ეკატერინე ტიკარაძემაც. როგორც მინისტრმა აღნიშნა, უკვე მზად არის სახლში მკურნალობის პროტოკოლი და იგი იქნება ისეთივე სიმპტომური მკურნალობა, როგორც სტაციონარში ხდება. „ყველასთვის ცნობილია, რომ კორონავირუსის ინფექციის 80% არის მსუბუქი ფორმის“ - ამ პაციენტების მკურნალობა მოხდება საკარანტინო ზონებში - განაცხადა მან.
ჯანდაცვის მინისტრმა სწრაფი ტესტების მარაგებთან დაკავშირებით დასმულ შეკითხვებსაც უპასუხა.
მოგეხსენებათ, გავრცელდა ინფორმაცია, იმასთან დაკავშირებით, რომ შავ ბაზარზე ხდება ავიაბილეთების გადაყიდვა. ბუნებრივია დავინტერესდით, კონტოლდება თუ არა სპეცრეისებისთვის დადგენილ ფასად ბილეთების რეალიზაცია. როგორც საქრთველოს საგარეო საქმეთა მინისტრმა, დავით ზალკალიანმა აღნიშნა, მზად არის პირადად აგოს პსხი, თუ კი ერთი მგზავრი მაინც აღმოჩნდება, ვინც ბილეთში 200 ევროზე მეტი გადაიხადა.
დღეს კიდევე რთხელ გაკეთდა განცხადება, რომ კორონავირუსის წინააღმდეგ ბრძოლის ფონდიდან თითოეული ლარის დახარჯვა გამჭვირვალედ მოხდება.