10, აპრილი 2020 18:28:00
ოჯახში და ქალთა მიმართ ძალადობის წინააღმდეგ სახელმწიფოს მხრიდან მკაცრი პოლიტიკის გატარება გრძელდება. სწორედ ეს საკითხები იყო განხილული ადამიანის უფლებების საბჭოს გენდერული თანასწორობის უწყებათაშორისი კომისიის სხდომაზე. შეხვედრაზე სამოქალაქო სექტორის წარმომადგენლებმა იმ გამოწვევებზე ისაუბრეს, რასაც ყოველდღიურ პრაქტიკაში შეცვლილი ვითარებიდან გამომდინარე აწყდებიან. საქართველოში პანდემიის ფონზე, ოჯახში ძალადობის რიცხვის ზრდა ამჟამად არ აღინიშნება. 24 საათიან რეჟიმში განაგრძობს მუშაობს საკონსულტაციო ცხელი ხაზი 116 006. უფასო, ანონიმურ ცხელ ხაზზე ფსიქოლოგიური და იურიდიული კონსულტაცია 8 ენაზე გაიცემა. პარალელურად, მუდმივ რეჟიმში ფუნქციონირებას აგრძელებს 112-ის ცხელი ხაზიც.