22, აპრილი 2020 17:06:00
კოვიდ19-ს კიდევ ერთი ადამიანი ემსხვერპლა. ამ მხრივ საქართველო უკვე 5 გარდაცვლილს ითვლის. 68 წლის მამაკაცი ე.წ. ბოლნისის კლასტერიდან იყო და მას ინფარქტი ჰქონდა გადატანილი. იგი თბილისის პირველ საუნივერსიტეტო კლინიკაში გარდაიცვალა. პარალელურად, გაიზარდა ქვეყნის მასშტაბით ინფიცირებულთა რიცხვი. საქართველოში კორონავირუსით დაავადებული სულ 411 პირია, მათგან 98 უკვე გამოჯანმრთელდა. კარანტინის რეჟიმში რჩება 5 ათას 160 მოქალაქე, სტაციონარში მეთვალყურეობის ქვეშ კი 579 ადამიანია.