22, აპრილი 2020 17:12:00
2020-2021 სასწავლო წლისთვის პირველკლასელთა რეგისტრაციის ახალი ვადები დადგინდა. სპეციალური საგანმანათლებლო საჭიროების მქონე მოსწავლეებისთვის დოკუმენტაციის წარდგენა ხუთ ივლისამდეა შესაძლებელი. მეორე ეტაპზე, ანუ 11 მაისიდან 1 ივნისის ჩათვლით, რეგისტრაცია იმ პირველკლასელებისთვის მოხდება, რომელთა და-ძმა სწავლობს სასურველ სკოლაში, მშობელი არის კონკრეტული სასწავლო დაწესებულების თანამშრომელი, ან ოჯახიდან ერთდროულად პირველ კლასში ორი ან მეტი ბავშვი შედის. მათთვის დოკუმენტების წარდგენა შესაძლებელი 11 მაისიდან 5 ივლისის ჩათვლით იქნება. III ეტაპი იგივე საყოველთაო რეგისტრაცია 2 ივნისს დაიწყება და 25 ივნისის ჩათვლით გაგრძელდება, დოკუმენტაციის წარდგენის ვადა კი 5 ივლისის ჩათვლით გახანგრძლივდა. რაც შეეხება რეგისტრაციის ბოლო, IV-ე ეტაპს, 20 აგვისტოდან 10 სექტემბრის ჩათვლით განხორციელდება.